Ukrayina arbiyleri Rusiyeniñ gece ücüm etken 178 Shahed (ve diger uçucısızlarnen) uçucısızını urıp tüşürdi. Bu aqta Ukrayina Silâlı quvetleriniñ Ava küçleri bildirdi.
Daa 66 taqlit dronı coyuldı/radioelektron küreş vastalarınen bastırıldı.
Ukrayina Silâlı quvetleriniñ malümatına köre, 7 yerde 23 uçucısız ücüm etti, 9 yerde urulğanlarnıñ parçaları tüşti.
Ukrayina Silâlı quvetleriniñ Ava küçleri haber etkenine köre, iyulniñ 15-ne keçer gecesi (iyülniñ 14-nde saat 16.30-tan başlap) duşman 267 darbe Shahed uçucısızınen ve taqlit uçucısızlarınen farqlı yöneleşlerden ücüm etti: Orel, Brânsk, Kursk, Millerovo, Primorsko-Ahtarsk – Rusiye, vaqtınca işğal etilgen Donetsk vilâyetinden (tahminen 200 danesi – Shahed).
Zaporijjâ ve Sumı vilâyetlerinde Rusiyeniñ gece ücümleri aqqında haber etildi, yaralanğanlar bar ve zarar körgen yerler bar. Mıkolayıv vilâyeti de gece Shahed 131/136 darbe uçucısızlarınıñ ücümine oğradı, Pervomaysk ve Voznesensk rayonlarında zararlar bar.
Rusiye arbiyleri çeşit silâ qullanıp, Ukrayina regionlarına muntazam sürette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturasına, vatandaş ealisini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri dep tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.