Rusiye Telükesizlik şurasınıñ reis muavini Dmitriy Medvedev ABD prezidenti Donald Trumpnıñ 50 kün içinde barışıq añlaşması tizilmese, bergiler kirsetilecek degen qorquzuvlarına cevap berdi.
«Trump Kremlge teatrleştirilgen şart qoydı. Dünya aqibetlerini beklep titredi. Cenkçi Avropanıñ közü qayttı. Rusiyeniñ işi yoq», – dep yazdı o, X içtimaiy ağında.
İyulniñ 14-nde ABD prezidenti Donald Trump Rutte ile körüşip, Ukrayinağa NATO alacaq «milliard dollarlıq» silâ bermege planlaştıra, dep bildirdi. O, Ukrayinağa berilmesi planlaştırılğan arbiy donatma arasında Patriot ava mudafaa sistemalarını ayttı.
Aynı vaqıtta Trump soñki vaqıtları Ukrayinağa qarşı ava ücümlerini quvetleştirgen Rusiye siyasetini «begenmey», dep qayd etti. O, ABD barışıq añlaşması 50 kün içinde tizilmese, 100 fayız ekinci bergiler kirsetilecek, dep haber etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
