İşğal etilgen Qırımda 2025 senesiniñ ilk yarısını devamında 6 insannıñ hırsızlanğanı qayd etildi. Bir qırımtatarı hırsızlandı, dep haber etti Qırımtatar resurs merkezi.
Berilgen malümatqa köre, Anatoliy Kobzar, Susanna İsmailova, Natalya Polüh, Oleg Platonov, Sergey Grişçenkov, Tamara Çernuha ğayıp oldılar.
Qırımtatar resurs merkeziniñ malümatına köre, Qırımda 2025 senesiniñ başından Rusiye uquq qoruyıcıları 63 insannı qanunsız şekilde tuttı, 13-ü qırımtatarı ola. 99 apiske aluv qayd etildi, 48-i qırımtatarlarğa qarşı edi. Qırımtatar resurs merkeziniñ bağ idarecisi Tatyana Savçuk qayd etkenine köre, mında memuriy ükümler ve yañı apis cezaları da kire.
Avropa insan aqları mahkemesi Rusiyeni söz serbestligini muntazam sürette bastırğanında ve Ukrayinağa qarşı cenkni tenqit etüv içün taqiplerde qabaatladı. Avropa mahkemesi Qırımda Rusiye mahkemeleriniñ bütün «ükümleri» qanunsız ola, dep qayd etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
