Rusiye uquq qoruyıcıları mayısnıñ 6-nda 24 qırımlı Hatice Büyükçannı hırsızlap, onı devlet hainliginde qabaatladı. Bu aqta Qırımtatar resurs merkezi (QRM) haber ete.
Aq qorçalayıcılarnıñ malümatına köre, o kün saba qız Eski Qırımdan Aqmescitke avtobusnen ketti, soñra bağğa çıqmadı. Cep telefonı qapalı edi, bulunğan yeri eki aydan ziyade belli degil edi. Tek 69 künden soñ Rusiye mediası FSBniñ beti gizlengen şahısnen sorğu videosını derc etti.
Qırımtatar resurs merkezi qayd etkenine köre, bu vaqıt devamında Büyükçan FSBde tutulğandır, anda ise basqı, qorquzuv ve maneviy basqığa oğrağandır.
İyülniñ 14-nde Rusiye mediası Qırımda Rusiye Federatsiyası Mudafaa nazirliginiñ üyken zabitlerinden birini patlatmağa planlaştırğan qıznı tuttı, dep bildirdi.
Rusiye kontrolindeki Aqyar Lenin rayon mahkemesi Büyükçannı eki ayğa apiske aldı. Oña qarşı Rusiye Federatsiyası Ceza kodeksiniñ 205 («Terror ücümi») ve Rusiye Federatsiyası Ceza kodeksiniñ 275 («Devlet hainligi») maddelerine istinaden cinaiy dava açıldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
